Պահպանողական Կուսակցություն

Հայտարարություն

ՀՀ-ում ռուսական զորքերի տեղակայման վայրերը փաստացի չեն վերահսկվում ՀՀ իշխանությունների կողմից, անվտանգային ռիսկեր առաջացնում։ Հիմք ընդունելով մամուլում տարածվող լուրերը, թե ռուսական զորքերն արգելել են EUMA-ի փաստահավաք խմբի մուտքը Սյունիքի մարզի Ներքին Հանդ գյուղի սահմանամերձ գոտի, փաստում ենք, որ կրկնվում է ՌԴ-ի կողմից ՀՀ-ին նոր զիջումներ պարտադրելու շանտաժի կրկնվող գործելաոճը։ 

Պահպանողական կուսակցությունը, ցավակցելով Սյունիքի Ներքին Հանդ գյուղի դիրքերի ուղղությամբ ադրբեջանական ագրեսիայի հետևանքով զոհված հայ զինծառայողների հարազատներին, համոզմունք է հայտնում, որ պատշաճ ու վստահելի հետաքննություն իրականացնելու և հետագայում նման դեպքերի բացառման հնարավորությունը ապահովելու նպատակով Հայաստանի իշխանությունները պիտի անմիջապես և կտրուկ քայլեր ձեռնարկեն ՀՀ ինքնիշխանությունը ՀՀ ամբողջ տարածքում վերականգնելու ուղղությամբ, ՀՀ-ից դուրս հրավիրելով ինքնիրավչությամբ զբաղվող ռուսական բոլոր զորամիավորումները, անկախ դրանց տեսակից և գործունեության բնույթից։

Հորդորում ենք ՀՀ իշխանություններին՝ չտրվել ռուսական շանտաժին, իսկ քաղաքական ուժերին և հանրությանը կոչ ենք անում շանտաժին համարժեք վերաբերմունք ցուցաբերել։

Պահպանողական կուսակցության կենտրոնական խորհուրդ

14.02.2024թ.
Երևան